شبكه ومنتديات الامل
اهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، . كما يشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

شبكه ومنتديات الامل


 
الرئيسيةالبوابةاليوميةالتسجيلبحـثالأعضاءدخول
 رسالة معطرة من
<FONT

شاطر | 
 

 قصة سارة وخالد

اذهب الى الأسفل 
كاتب الموضوعرسالة
دلوعة المنتدى

avatar

عدد المساهمات : 9
نقاط : 13
السٌّمعَة : 0
تاريخ التسجيل : 24/06/2010
العمر : 27
الموقع : http://r-gaza.yoo7.com/forum.htm

مُساهمةموضوع: قصة سارة وخالد   الأحد يوليو 04, 2010 1:12 am

السلام عليكم

شخباركم ياأحلى أعضاء ...

انشاالله بخير

اليوم جايبة لكم قصة عجييييييييييييبة رومانسية وحلوة وبتكون على شكل حلقات

واتمنى انها تنال اعجابكم وماراح اواصل النقل الا لما اشوف منكم تفاعل

ونبدا .................

قصه حب بمنتهى الروعه وطبعا قصه خياليه وقصه حب جميله جدا انصح الكل يقراها ..والقصه للامانه كاتبتها بنت

ولقبها ( فاتـــنة دبـــي)

واللي يبى ينقل القصه يكتب اسم الكاتبه امانه في رقبته لأن حرام الكاتبه تعبت كثير في كتابة القصه ..

واتمنى التثبيت

الجــــــــــــــزء الاول:

كانت ساره دلوعه اهله والكل يحبها وكانت تتمتع بجمال الصفات من جمال واخلاق طيبه وذكاء واما جمالها فخلوه على جنب لانها صدق كانت قمر ..كل اللي يشوفها ينجن على جمالها .. وهي عمرها 19 سنه يعني في اول سنه جامعه وعندها صديقه روح بالروح معاهاوهي اسمه ريم لان ساره كانت وحيده فعشان كذا تعتبر ريم اختها وصديقتها وكل شي ..

ونبدا القصه :

ام ساره : حبيبتي سارونه وينك ساره

ساره : هلا يمه انا بغرفتي
طلعت ساره من غرفتها عشان تشوف امها وش تبي
ام ساره: وينك ساره من متى اناديك حبيبتي
ساره : يمه كنت اكلم ريم صديقتي .
ام ساره : وتضحك والله اني اغار من هالريم . كل وقتك معاها
وضحكت ساره وحضنت امها وقالت : محد مثلك ياأ حلى واروع ام بالعالم ..
ام ساره : يالله خلي عنك هالكلام : أقول حبيبتي سارونه لاتنسين عزيمه خالتك لنجاح بنته نوره من الثانويه
ساره : اكيد يمه ماني ناسيه افا وانا اقدر انسى نجاح نوره .
وراحت ساره واتلبست ولبست احلى ما عندها واتمكيجت بمكياج خفيف وبسيط
ام ساره : دخلت على ساره تشوفها خلصت ولا لأ
وشافت ام ساره ساره بجمالها وكشختها وقالت لها : ماشاء الله عليك يا بنتي طالعه مثل القمر اقري على عمرك يا بنتي اخاف يحسدونك
ساره وهي مبتسمه : على وشو يحسدوني يمه
ام ساره : سارونه بلا حركات تعرفين انك حلوه والكل يمدح فيك من صغرك
ساره :" اكيد لاني طالعه على امي حبيبة عمري
صدقها الام لان ساره مهوب بس حلوه بل فاااااتنه.. شعرها البني على العسلي وعيونها العسليات الحلوات الوساع اللي كانها عيون الغزال وجسمها كان صدق متناسق كانها عارضه أزياء .
ام ساره: يالله خلي عنك هالكلام ويالله نروح تاخرنا السواق يسنانا في السياره
وراحو كلهم العزيمه
وكانت ساره احلاهم
وجت ساره وسلمت على بنت خالتها نوره وباركتلها على نجاحها
نوره : زين جيتي وش هالتاخير كله ؟
ساره : بعد تعرفيني يوم اختار بدله ولبس كيف اتاخر
نوره : بس ماشاء عليك طالعه قمر .. غطيتي علي ..
وضحكت ساره
وقالتلها ساره: محد يغطي على رقه وحلاة بنت خالتي نوره
وجت من وراهم هند اللي هي بعد بنت خالتها يعني اخت نوره وهند اكبر من ساره بسنتين وهند تغار من ساروه كثير لانها احلاهم ولان الكل يحبها ويحترمها
جت هند وقالت لها موب من خاطرها " هلا ساره
ساره: هلا ببنت خالتي هند وش اخبارك واخبار الدوام
هند : اكيد تمام
وراحت عنها هند
ساره وهي مستغربه : وش بلاهاهند ليش متضايقه؟
نوره : لا حبيبتي هند ما فيها شي بس تعرفين كيف تفكر وهي تعرفينها من صغرها تغار منك
ساره : ليش تغار ..؟ هند حلوه وزينه
نوره : بعد تعرفين البنات وغيرتهم
المهم خلصت الحفله والاغلبيه راحو البيت الا ساره وامها
وكانو يتكلمون ويضحكون وفجاه دخل ولد خالتها اللي هو اخوهم خالد
خالد كان اكبر اخوانه وكان طيب وخلوق ووسيم وكل البنات منهبلين عليه ويستنون نظره منه بس هو قلبه مب ملك أحــد غير (ســــاره ).
بعد ومن صغره كان متيم في ساره موب بس متيم بل يموت فيها : ودخل وفجاه شاف ساره .. وكان يشوفها بنظرات وحب ويقول في خاطره : ساره هناواخيرا وينكيا نبض قلبي وينك عني
والكل لاحظ نظراته
ونوره قالت : الناس يسلمون يا خالد
ام خالد : وين وصلت يا خالد
هند اختهم : هه هه هه اكيد عيونه على حبيبته ساره . وكانت هند تشوف ساره بنظرات كلها غيره
وساره استحت واحمرت ونزلت راسها .
خالد بعد استحى ودعى على هند في خاطره
خالد " السلام عليكم وشخبارك ساره
ساره : الله يعافيك خالد انت وش اخبارك .
ام ساره : بس ساره وحنا وين رحنا
ضحكو كلهم على خالد لان ما كان يشوف الا ساره
وخالد أبد ما كان يتكلم لانه بس يبي يشوف حبيبته ساره .
وقالها وهو يشوفها من فوق لين تحت.
خالد : ماشاء الله عليك يا بنت خالتي طالعه اليوم ملاك .
ساره صدق وجها محمر : عيونك الاحلى بس عاد لا تبالغ
خالد : وربي ما ابالغ المجنون اذا شاف جمالج راح يصحى (كثر منها)
نوره : أجل خل نودي ساره مستشفى المجانين عشان كلهم يصحون ويصيرون زينين .
وهنا الكل قعد يضحك
بس خالد كان تفكيره كله في ساره .
ام ساره " يالله عن اذنكم بنروح البيت الوقت تاخر
ام خالد : وين تو الناس تونا ما شبعنا منكم
ام ساره : الود ودنا نقعد لين الفجر بس ما يصير
ساره : اكيد القعده معاكم ما تنمل يا خالتي
كلهم وقفو وراحو يسلمون علشان يطلعون وبعد ما وصلت ساره عند خالد
. وهي منزله راسها : مع السلامه ياخالد
خالد وعيونه على ساره : مع السلامه يا القمر اووووه قصدي يا ساره
وعلى طول ساره طلعت لانها صدق استحت وما تعرف كيف ترد على كلمات خالد العذبه .
وبعد ما وصلت ساره البيت
كانت تفكر في ولد خالتها خالد ونظراته وكلماته الساحره .
اما خالد فكان هاليوم احلى يوم عنده وفرحان لان شاف حبيبته ساره
لان من هو صغير يحبها ..وراح عند امه باخرالليل
وراح يدق الباب على غرفه امه
خالد : يمه .. يمه ..افتحي الباب
ام خالد: مستغربه : خالدوشفيك وين يعورك وش فيهم خواتك ..؟
خالد : باسم الله عليك يمه ما فينا شي
ام خالد : اجل ليش جاي هالوقت تعرف الساعه كم
خالد : ايه الساعه 2 ونص بالليل وشو يعني .. المهم يمه الله يخليك ابي اقولك شي
ام خالد: فتحت الباب وهي مستغربه من خالد وتشوفه بنظرات غريبه
ام خالد : قل اللي عندك يا خالد وش بك ؟
خالد : يمه تعرفين اني احب ساره بنت خالتي من صغري وجا هالوقت اللي تخطبينها لي يمه اخاف احد ياخذها مني واذا احدا خذها بموت يا يمه تعرفين وش يعني بموووووووت .
ام خالد وهي تضحك على خالد :باسم الله عليك من الموت يا خالد
الله ياخذ بليسك يا خالد مقومنا من النوم هالوقت علشان هالسالفه .. لا تخاف ساره ان شاء الله ماراح تكون الا لك
خالد: ابيك تكلمين امها بكره اوكي
ام خالد : خلاص .

اذا تبغون تعرفون الأحداث تابع الأجزاء الجايه
سلام

تحياتي:
دلوعة المنتدى
الرجوع الى أعلى الصفحة اذهب الى الأسفل
نجم العشاق

avatar

رقم العضوية : 8
عدد المساهمات : 42
نقاط : 56
السٌّمعَة : 4
تاريخ التسجيل : 19/06/2010

مُساهمةموضوع: رد: قصة سارة وخالد   الثلاثاء يوليو 06, 2010 12:11 pm

طرح رائع ومميز

ما ننحرم من مزيدك

دمتى بود
الرجوع الى أعلى الصفحة اذهب الى الأسفل
برنسيسة المنتدى

avatar

عدد المساهمات : 52
نقاط : 62
السٌّمعَة : 0
تاريخ التسجيل : 22/06/2010
العمر : 29
الموقع : http://r-gaza.yoo7.com/forum.htm

مُساهمةموضوع: رد: قصة سارة وخالد   الأربعاء يوليو 07, 2010 1:14 pm

يسلموووووووووو كتير خيتوو


موضوع فى غاية الروعة والجمال


الله لا يحرمنا من جديدك

تحيتى لكى


برنسيسة المنتدى
الرجوع الى أعلى الصفحة اذهب الى الأسفل
مقهى الشيشة
Admin
avatar

عدد المساهمات : 124
نقاط : 211
السٌّمعَة : 1
تاريخ التسجيل : 04/06/2009
العمر : 28
الموقع : http://r-gaza.yoo7.com

مُساهمةموضوع: رد: قصة سارة وخالد   الأربعاء يوليو 07, 2010 2:54 pm

يسلمو الك اختى


على القصه


بارك الله بيكى

اتمنى لكى المزيد من التقدم والابداع دائمآ نحو الافضل

تحيتى
لكى بكل ود

_________________
أنا بحبك أنت بحبك زي ما أنت
في رقتك في قسوتك في غيرتك عليا في قربك في بعدك ماليش حد بعدك ماليش حد بعدك ياغالي عليا
يلوموا الناس عليا مايلوموا الناس عليا علشان أخترتك أنت
مايهمش أي حاحه مايهمش أي حاجه
مدام أخترت أحبك
أنا عايشه معاك لأني
آه بحبك
الرجوع الى أعلى الصفحة اذهب الى الأسفل
http://r-gaza.yoo7.com
 
قصة سارة وخالد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكه ومنتديات الامل :: الاقسام الادبى :: ©§¤°^°¤§©¤قسم القصص والروايات©§¤°^°¤§©¤-
انتقل الى: